الإثنين, أغسطس 26, 2019

Header ad
Header ad

الأسير المحرر زهير علي : “نحنا جيل الستينات نحنا جيل المقاومة وحب الوطن بدمنا”

الأسير المحرر زهير علي : “نحنا جيل الستينات نحنا جيل المقاومة وحب الوطن بدمنا”
 
وسيم محسن – خاص – شبكة أخبار دمشق
 
وإنت عم تتطلع بالصورة دقق منيح هي صورة المهندس زهير علي من أبناء محافظة طرطوس ، من قرية صغيرة عتخوم جبال العز اسمها برمانة المشايخ .
 
الأستاذ زهير مهندس مدني موظف إداري بشركة الغزل والنسيج بريف دمشق ، يعني مو عسكري ، لكن بعيونو اللي عم تقاوم تعب اربع سنين تحت الخطف الارهابي وهو عم يشكر الجيش العربي السوري وقائد الجيش بكلمتو الحلوة “نحنا جيل الستينات نحنا جيل المقاومة وحب الوطن بدمنا” حسيت عم يحكي مقاتل وقائد ميداني حارب بالسلام ضد التوحش صمد بعين المحب على مخرز الارهاب .
 
حقيقة استوقفتني هالعبارة يمكن ضعفي خلاني قارن بينو وبين مدني طلع وراه شلعة ولاد وعم يصدح بحب الوطن وخدودو موردة وضحكتو شبرين وبس نفتش بصورو القديمة بنعرف ضمنيا انو منافق وكذاب وكان أداة ليلوي دراعنا تحت بند انسانية وهو بحالة ضياع شو يعني وطن .
 
مهندس مدني انخطف من بيتو بمساكن عدرا العمالية مع عيلتو ذنبو الوحيد اللي تعاقب بطريقة ارهابية عليه انو موظف عم يمارس عملو بالدولة وقاعد ببيتو مو بس هو عائلتو كمان دفعت تمن الارهاب
 
إذا كانت عيونو التعبانة السهرانة حاملة كل هالحب والمقاومة نحنا ما بيحقلنا نقارن نحنا لازم نتعلم منو دروس متل ما تعلمنا من كتار قبلو صحيح الارهاب نجح بتدمير قبر صحابي اسمو عماربن ياسر لكن بكل بيت بسوريا في حكاية لصحابي متل عمار بن ياسر ، في حكاية جديدة لمسيح ليحيى بن زكريا لنبي لحسين جديد …. لمهاتما غاندي لمانديلا … لشيفارا … وواثق لسا سوريا رح تتقمص امجاد التاريخ أكتر بكل بيت ربي عصفوة مورثات الرجولة .
 
أستاذ زهير وقت بتقول انا من شهرين ما سمحولي بالاكل وكانوا يعطوني أدوية خالصة مدتها بصدقك لأنو جسمك ووجك عم يحكوا كيف نمرود كان عم يجهد ليكيد سيدنا ابراهيم .
 
وأنا منك بتعلم بفخر أولا كمهندس مدني وتانيا كجندي شو يعني القيامة من الصلب والارهاب وشو يعني اخر نفس ينطق شهادة نحنا جيل المقاومة
 
ما قابلتك بشكل شخصي ، بطمح أكيد ، مابعرفك شخصي ، بطمح أكيد ، بس اليوم تعلمت وكبرت فيك ، الحمدلله عالسلامة ، وعقبال نستعيد سلامة وطن بأمثالك ، وشو ماحكينا قليل .
 
بأمل كل المخطوفين واللي غيبهم الارهاب يرجعوا لبيوتهم ، رح نضل نكتب ونحكي ونقاوم وبكل فعل في مقاومة حتى ننتصر والنصر أكيد .
 

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *